Linjetilbodet ved Møre Folkehøgskule
Møre Folkehøgskule har i dag 7 linjer. Linjetilbodet er prega av plasseringa som skulen har i Ørsta sentrum, ti minutt frå Volda, og samstundes midt i Sunnmørsalpane. Noko av Noregs flottaste natur er lett tilgjengeleg i gangavstand frå skulen.
Ekstremsport Sunnmørsalpane og Bali, Ekstremsport Sunnmørsalpane og Peru, FIT – Friluftsliv Idrett Trening med Thailand, Friluftsliv Sunnmørsalpene og Bali og Personlig trener og friluftsliv – Bali har eit breitt spekter av friluftsaktivitetar på timeplanen. Fjella, fjordane, øyane og elvane byd på mange utfordringar og store opplevingar! I tillegg så reiser elevane på desse linjene på studieturar til Thailand, Peru og Bali.
Klassisk animasjon er utgangpunktet for undervisninga i Animasjon – Japan. Det blir gitt opplæring i mange ulike animasjonsteknikkar, redigering, storyboard og lydlegging. Vi har og kontakt med Høgskulen i Volda som kvart år rekrutterer elevar frå animasjonsklassa ved Møre Folkehøgskule. Les meir om studieturen til Japan.
Våre kinesiske lærarar har solid kunnskap og lang erfaring med reiser til alle delar av Kina. Når Kina – Midtens rike med Japan reiser på sin årlege seks vekes studietur til Kina og Japan, har ein fått med seg ein god ballast med kunnskap om landet, kulturen, historia, språket, maten og mykje meir som gjer reisa til ei oppleving for livet. Det arbeidet klassa gjer for Håpsskulen ser ein fruktene av når ein kjem på besøk i februar / mars.