Nepal trekking – ny linje ved Møre fhs 2021-2022
Både Norge og Nepal har variert og flott natur, og majestetiske fjell. Kontrastane mellom Norge og Nepal er store, og kontrastane inne i Nepal er store. På denne linja skal vi bruke tid på friluftsliv i Norge og oppleve dei enorme fjella på grensa til Tibet. Vi skal bruke god tid på å førebu reisa til Nepal og bli kjend både historie, sosiale og politiske forhold, kultur og religion.
Med solid bakgrunnskunnskap blir turen både lærerik og spennande. Møte med både fattigdom og ein rik gammal kultur vil bidra til å gje deg eit breiare perspektiv på livet og verda.
Dette er linja for deg som:
- Har lyst å lære om eit mangfaldig friluftsliv både i Norge og i Nepal
- Vil oppleve utsikten frå toppane på Sunnmøre
- Vil oppleve majestetiske fjell i Nepal
- Har lyst til å bli grundig kjent med eit nytt land
- Vil lære om og bidra til eit humanitært prosjekt
- Er interessert i å forstå ein annan kultur og eit anne levesett
- Er nysgjerrig på å oppleve kontrastane mellom vest og aust
Innhald på linja:
- Grunnleggande friluftsliv i Norge
- Toppturar på barmark
- Overnatting under open himmel
- Skiturarar i vinterfjellet i Sunnmørsalpane
- Yoga og pilates
- Lære litt nepalesisk språk
- Møte med nepalesarar frå lokalmiljøet på Sunnmøre
- Grundig kunnskap om land, folk, kultur, religion og sosiale forhold
- Tur til Nepal i januar/februar
- Trekking i høgfjellet i Nepal over fleire dagar
- Kunnskap om kultur, religion, historie og politikk i eit land svært ulike Norge
- Prosjekt i samarbeid med «Himalpartner»
- Møte med menneske som vil bidra til å sette spor i deg for alltid.
Studietur til Nepal:
I januar/februar, medan mørketida pregar Sunnmøre og vi ventar på snøen her heime, drar vi på tur til Nepal.
Innhaldet i turen kan bli slik:
- Vi besøker både buddhistiske og hinduistiske tempel
- Vi får oppleve Lumbini som er Buddha sin fødestad, der vi m.a. får møte munkar som har via sitt liv til Buddha
- Det er gode muligheiter for både jungelsafari og rafting
- Tur i fjella over fleire dagar
- Vi besøker hovudstaden Katmandu, og besøker m.a. gamlebyen
- Vi drar til vakre Pukhara, Nepals nest største by i nærleiken av fjellmassivet Annapurna
- Reiser på besøk eksil-tibetanarar og lærer om deira spesielle historie
- Vi besøker yoga-gjestehus og lærer meir om kva dette betyr for kvardagen til folk
- Vi får møte kvardagen i eit bistandsprosjektet som vi har jobba med i Norge, eit senter som arbeider å hjelpe jenter som har vore utsett for menneskehandel og trafficking