Ei lita oppsummering av det vi gjorde etter vi kom frå Egypt, og før påskeferien

Det første vi skulle prøve oss på var bølgesurfing i Hoddevika på Stadt. Det var surt og kaldt med nysnø 2. dagen, med fine forhold for surfing.

                                               Bilete frå Hoddevika

                                       Ingen tvil, vi er på rett veg!
              Litt tørrtrening..       … før vi prøvde oss i bølgene.
       Ein frisk gjeng klar til innsats.     Litt avslapping og kos hører òg med.
Ikkje alltid nødvendig med så mykje vatn under brettet.                Gitt opp eller…?
  Jorunn og Tonje kosar seg i fineveret.         Nokon kom seg opp til slutt.

Så bar det rett i snøen og leirlaging i vinterfjellet. Her fekk vi sloss ein god del med vèregudane. Tung våt snø lava ned, noko som resulterte i retur ein dag før planlagt pga. ein del vått utstyr. Men vi hadde ein flott leirplass og ein fin tur.

 Tett snødrev då vi gjorde oss klar til å gå.      Telt og leveggar er kome opp.
Det vart ein del kreative løysingar for å halde vekk det meste av snøen. Vi måtte òg på vedhogst til kveldsbålet som egentlig ikkje vart nokon suksess…
                  Leirplassen.  Litt snø i løpet av natta, men alle telt sto!