Internatet ved skulen

Romma

• Skulen har 47 dobbelt rom, 4 trippelrom og 2 enkeltrom
• Romma er utstyrt med seng, 90 eller 75 x 200 cm, nattbord, eit kleskap til kvar
• Elevane må ha med eiga dyne og pute pluss trekk og laken
• Handdukar, såpe og personleg toalettsaker må du halde sjølv
• Alle elevar får nøkkel til rommet sitt, og til ytterdøra til internatet
• Du må betale eit depositum på kr 500 som vert tilbakebetalt ved skuleslutt når nøkkelen blir levert tilbake

Klesvask og elevkjøkken

• Folkehøgskulen har to elevvaskeri med vaskemaskinar og tørketromlar. Elevane må halde vaskepulver sjølve
• Der er tre elevkjøkken med vass-kokar, komfyr, oppvaskmaskin, kjøleskap og litt enkelt utstyr. Elevane har ansvar for reinhald og orden på desse.
• Den enkelte elev må ta med kopp, fat og bestikk til eiga bruk i fritida

Reise til og frå folkehøgskulen

Møre folkehøgskule ligg under Sunnmørsalpane i Ørsta sentrum, to steinkast frå Ørstafjorden og ein joggetur frå Ørsta/Volda lufthamn. Bussen har stopp rett under skulen, og har gode tilknyttingar. Det går direktebussar både frå Oslo, Bergen og Trondheim. Buss frå Ørsta til næraste tettstad Volda tek ti minutt,  og til Ålesund som er næraste by tek bussen 1,5 time.

Du kan reise til og frå Ørsta på fleire måter

Fly Ørsta/Volda (Hovden): Widerøe

Fly Ålesund: Norwegian, SAS

Buss: Nor-Way Bussekspress

Ferge: Fjord1

The post Om året på folkehøgskulen appeared first on Møre folkehøgskule.

Prisar for linjene 2025/2026

Får du plass må du betale kr 250 i innmeldingspengar når du takkar ja til plassen for å stadfeste opptaket. Om du seier frå deg plassen før angrefristen er ute (som er 14 dagar), får du tilbake desse pengane.

Elles finn du prisen for linjene når du går inn på linjeveljaren eller på folkehogskole.no

NB! Vi tek atterhald om endring av prisar som følge av kostnader tilknytta valutakurser, fly- og transporttariffer, samt uforutsette skattar og avgifter som vi ikkje sjølv rår over. Disse faktorane kan påverke prisar og/eller innhald i utanlandsturar.

Prisen dekker

Kostnader til kost og losji, studietur innan- utanlands, tilgang til vaskemaskin/tørketrommel, skulemateriell, ekskursjonar, internett, minnebok, skulegenser m.m. Dersom du bur på einerom kostar dette kr 1.000,- pr månad i tillegg.

Tillegg i pris for spesialkost/diett

For annan allergi eller intoleranse som krev eigen diett vert eit eventuelt tillegg å avtale med skulen.

Aldersgrense

Elevane ved skulen er i alderen 18 og litt oppover. Om du fyller 18 i 2025 er du gammal nok til å kome inn hos oss. Snittalderen har dei siste åra vore mellom 19 og 20 år. Om du ikkje fyller 18 før i 2026 kan du kontakte oss og så vurderer vi om vi likevel kan ta deg opp som elev.

Søknadsfrist

Første opptaksdato er 15. november 2024. Skal du vere sikra å kome inn på den linja du ønskjer, er det lurt å vere tidleg ute. Vi har kontinuerleg opptak heilt fram til skulestart.

Stipend og lån

Det vert gitt fullt stipend og lån frå Statens Lånekasse for å dekke kostnader til folkehøgskule. Søknad sender du til lånekassa før skulestart.

Angrefrist

Etter at du har betalt innmeldingspengar har du 14 dagars angrefrist. Du får tilsendt «angreskjema» som då ev. må nyttast. Dersom du nyttar denne retten, har du òg rett til å få tilbake innmeldingspengane. Dersom du avsluttar skuleåret etter oppstart må du betale skulepengar i seks veker etter at du har forlet skulen.

Poeng

Eit fullført år på folkehøgskule vil gi deg to ekstra konkurransepoeng. Vi sender eit brev med informasjon du treng i god tid før skulestart. Dette omfattar skulereglementet og informasjon om kva du treng å ha med deg.

The post Kostnader appeared first on Møre folkehøgskule.

START OG SLUTT SKULEÅRET 2025-26

Laurdag 23. august er første skoledag for helårselevane og halvtårselevane for høstsemesteret. Vi startar skuleåret med eit felles åpning kl. 16:00. Om nokon vil ha med foreldre, føresette, søsken, besteforeldre, kjærester eller andre nære  på dette er det sjølvsagt ikkje noko problem! Av erfaring ser vi at det er også mange som kommer alene, så dette er også helt vanleg.  Dei fleste vil komme laurdags formiddag og bli innkvartert på sine rom, men viss man ønsker å komme dagen før så er det bare å melde i fra, så tek vi i mot dykkar då og.

Torsdag 18. desember er siste skuledag for halvtårselevene for høstsemesteret. Denne dagen avslutter vi klokka 12:00.

6. januar er første skuledag for halvtårselevane for vårsemesteret. Oppstart er da kl. 10:00 for nye elever og klokka 12:00 for helårselevane.

Onsdag 13. mai er er siste skuledag for helårselevene og for halvårselevene på våren . Kl. 12:00 siste dag forlét alle elevane skulen etter ein avskjedsseremoni på skulen.

FERIAR SKULEÅRET 2025-26

Haustferie i uke 41

Siste dag før haustferie er torsdag 2. oktober. Vi er ferdige kl.. 12:00.

Skulestart etter ferien er normalt mandag 13. oktober kl. 12:00 . NB: Dei som skal til Bali møter på Gardermoen. Nøyaktig tid kjem frå klasselærar så snart alle flybillettar er stadfesta.

Juleferie uke 52 og uke 1

Siste dag før jul er torsdag 18. desember. Denne dagen er også siste dag for halvårslinjene denne hausten. Vi er ferdige kl. 12:00.

Skulestart etter julefeiringa er tirsdag 6. januar. Oppstart for halvårselever for vårsemesteret er kl. 10:00, men for helårselevane starter vi 12:00.

Vinterferie uke 8

Siste dag før vinterferie er torsdag 12. februar. Vi er ferdige kl. 12:00.

Skulestart etter ferien er mandag 23. februar kl. 12:00, men kan avvike pga studietur. Nøyaktig informasjon kjem til klassene frå lærarane.

Påskeferie uke 14

Siste dag før påskerferie er fredag 27. mars.. Dette kan avvike pga linjens studieturar, og noen linjer drar da hjem rett fra Gardermoen flyplass etter sin studietur. Info om dette blir gitt til kvar enkelt klasse frå lærarane.

Skulestart etter ferien er onsdag 8. april kl. 12:00

Åpen skule og pakkehelg, siste helgen i skuleåret

Siste helga før skuleslutt inviterer vi dei næraste til å kome på besøk, ofte kalt foreldrehelg da mange har med foreldrane men mange også kjærestar eller venar istaden. Laurdag  har vi program for elevar og gjester, medan vi etter planen inviterer til tur på Fuglefjellet på Runde på søndagen for elevane. Gjestane kan også vere med på den turen, men må ordne eiga transport for å kome dit (ca 1 times biltur). Det er vanleg å bruke denne helga til å pakke og sende heim utstyr som ein ikkje treng dei siste dagane på skulen. Det blir sett av tid til dette.

SKULEÅRET 2026-2027

Første skuledag laurdag 22.08

NB! I samband med linjeturar kan klassene ha eigne opplegg for møtestad og dato for avreise og heimkomst, da hovedsakleg etter høstferie og etter vinterferien frem til påskeferien. Sjekk derfor med linjelærar før du bestiller billettar til/frå skulen!

Problemer med å se Plandiscen? Trykk her

The post Årsplan / Kalender appeared first on Møre folkehøgskule.

Skulen tilbyr elevane opplevingar høgt og lavt, i innland og i utland. Dette krev at vi heile tida vurderer tryggleiken til elevane og det fotavtrykket vi etterlet oss på vår veg. Før alle turar og utflukter gjennomfører den ansvarlege læraren ei risikovurdering som så blir sendt til leiinga for godkjenning. På denne måten sikrar vi at dei gode opplevingane er  innanfor dei risikorammene skulen har.

Møre Folkehøgskule har forsikringar for elevane, bortsett frå reiseforsikring som det har synt seg at elevane sjølve ofte allereie har eller at dei er dekka av føresette sin reiseforsikring. Det blir då ein unødvendig ekstrakostnad om dette skal gå igjennom skulen også. Alle elevane må altså ha eigen reiseforsikring

Korona, pandemi og annan sjukdom

Vi er særleg sårbare ved oppstart av skuleåret og i etterkant av ferier. No etter pandemien har vi framleis fokus på hygiene og smittevern sidan vi er mange som lever og bur tett på kvarandre. Om nye sjukdomsbølgjer skulle kome har vi nytta det vi lærte under pandemien til å legge planar for å handtere dette på ein best mogeleg måte.

Med helsing

Rune Hovde
REKTOR

E-post: rektor@more.fhs.no
Telefon: 70 04 19 99

Nyttige lenker

Sjølvevalueringsrapport Møre folkehøgskule 2022

Helsenorge om koronavirus

Regjeringen om koronaviruset

Ørsta kommune om koronasituasjonen lokalt

The post HMS appeared first on Møre folkehøgskule.

The post Meld frå om uønska hending appeared first on Møre folkehøgskule.

Den kanskje største forskjellen frå ordinær skule er fridom frå lekser og eksamen. Folkehøgskulane har ei eiga lov som sikrar at dei skal være eksamensfrie og utan fastlagde læreplanar frå det offentlege. Dette gir skulane stor fridom til å legge opp undervisninga saman med elevane. Elevdemokrati er viktig på folkehøgskulane.

Fagtilbodet og måten læringa vert lagt opp på skil seg frå det du er van med frå andre skular. Samtalar og samarbeid, praktisk arbeid, prosjekt og ekskursjonar er stikkord. Tilbakemelding får du ikkje gjennom karakterar og prøver her, men gjennom samvær og samtalar med medelevar, lærarar og personalet elles.

Lærerane

Med dyktige lærarar, fridom frå eksamen og fastlagd pensum, nye vener, internatet, elevkveldar, spennande studieturar og mykje meir søkjer folkehøgskulane å legge til rette for at akkurat du, med dine erfaringar, skal få utfalde deg og utforske dine muligheiter. Med andre ord søkjer folkehøgskulen å utvikle heile deg, og på den måten gi deg verdiar for resten av livet.

Fagleg innhald

Det finst ikkje to folkehøgskular som er like. Men dei aller fleste skulane byggjer undervisninga si rundt linje- eller fordjupingsfag, valfag og fellesfag. Du lagar såleis langt på veg din eigen timeplan innafor gitte rammer. Fordjupings- eller linjefaga er det du gjerne søkjer på. Det er stor variasjon i linjetilbodet. Vanlegvis har du rundt 12-16 timer i veka.

Valfaga varierer om mulig enda meir enn linjefaga, både i tema og omfang. Du kan velje fag og emne som er heilt annleis enn linjefaget ditt, eller velje valfag som knyt seg opp til linjefaget. Fellesfag og felles aktivitetar har alle uansett linjeval.

Det er igjen store variasjonar fra skule til skule i kva som er fellesfag. Dei fleste skular har seminar og føredrag frå gjesteforelesarar, morgonsamlingar, allmøte, kor, og/eller fag som tar opp samtidsspørsmål og meir grunnleggjande sider ved tilværet.

Internatlivet

På folkehøgskulen bur du på internat, som oftast på rom med ein av dine medelever. At du bur på skulen betyr at skiljet mellom skule og fritid blir mjuka opp. Du møter medelevar og lærarar i andre utfordrande situasjonar enn i »klasserommet». Dagane på folkehøgskulen inneheld fag og sosialt liv, heilskap og detaljar, bredde og fordjuping, samtalar og seminar, fart og kvile, utfalding og ettertanke, moro og alvor.

Praktisk læring

Nikolaj Frederik Severin Grundtvig, som vi seier er folkehøgskulen sin «far», la for 150 år sidan grunnlaget for ein heilt ny og demokratisk skule i Norden. Han er fortsatt ei viktig inspirasjonskjelde innan pedagogikken. Grundtvig meinte at kunnskap og forståing berre kan utviklast i direkte kontakt med det ein ynskjer å bli kjend med.

Derfor vert teori meiningslaus utan praksis med dei aktuelle problemstillingane. Alle forstår at surfing berre kan lærast på eit brett i og ved sjøen. Og arbeider vi vidare med dei erfaringane vi gjer gjennom praksis, blir desse erfaringane utgangspunktet for indre medvit om oss sjølv som individ.

Vi ønsker å legge til rette for at våre elevar får eit år med mange nye venner. Også venner som i utgangspunktet kan vere veldig ulike en sjølv. Vi veit at det berikar den einskilde sitt liv.

Om skuleåret

Tilhøva ligg godt til rette for det på Møre folkehøgskule fordi vi er en breddeskule. Til saman er vi rundt 100 elever fordelt på fleire linjer. Vi prioriterer både linjeopplevingar og fellesopplevingar. Det er vår erfaring at det er ei oppskrift på eit kjempefint år! Personalet strekk seg langt for å gi deg kanskje ditt beste skuleår.

Eit år som gir deg tru på deg sjølv og på dine talent. Eit år som sprenger grenser. Eit år som lærer deg å sette pris på deg sjølv og på andre. Også eit folkehøgskuleår består av flest kvardagar, – det er berre det at kvardagane her er så annleis!

Tidligare elevar seier at dei trivst her. Først og fremst på grunn av folka og opplegget, men og på grunn av god standard på internatet og maten. Kjøkkenet vårt serverer næringsrik, velsmakande og populær mat.

Tidligare elevar seier at på Møre folkehøgskule:

• Vert dei sett av vaksne menneskjer som er glad i ungdom.
• Vert dei engasjert til å bry seg.
• Har dei fantastiske opplevingar på studieturane.
• Tek dei ansvar for at også andre skal ha det OK.
• Bygger dei relasjonar og får venner for livet.
• Vert dei kjend med nye sider av seg sjølv.
• Får dei auka kunnskap om ting dei er interessert i.
• Levereglar for Møre folkehøgskule

Vi ønsker at du vert 18 år før årsskiftet det året du søkjer. Det vil seie at vi reknar med at du er ein vaksen og ansvarsmedviten person når du kjem hit.

Miljø

Ved Møre Folkehøgskule må vi alle hjelpe til med å skape eit godt miljø. Tilsaman er vi rundt 20 tilsette og omlag 100 elevar som arbeider, bur og lever saman. Folkehøgskulen er heimen vår. Då treng vi enkle og gode verdiar og reglar for korleis dette skal fungere. Vi treng nokre enkle levereglar.

Vi krev at du respekterer desse fire reglane

• Du skal vise respekt og omtanke for medmenneska dine.
• Det er pliktig deltaking i all undervisning, praktisk arbeid og ved skulearrangement.
• Det er ikkje lov til å ha eller bruke rusmidlar på skulen.
• Du skal ikkje på nokon måte sette Møre folkehøgskule sitt rykte i fare.

Takkar du ja til ein skuleplass hos oss, så er dette bindande (etter angrefristen på 14 dagar). Dersom du av ein eller annan grunn skulle avbryte skuleåret, vert du belasta med 6 vekers betaling ut over sluttdato.

Vi forventar av deg

At du gjer noko aktivt for å skape eit godt miljø.
At du viser interesse for samfunnsspørsmål og verda omkring deg.
At du deltek aktivt i undervisninga og at du arbeider med fag på fritida.

Vi lovar deg:

• Å møte deg som ein vaksen og ansvarsmedviten person.
• Å ta omsyn til at du er eit individ med eigne behov, kjensler og meiningar.
• Å la deg få medråderett på skulen sitt innhald og opplegg.
• Å gjere vårt til at du får eit best mogleg folkehøgskuleår.

Når du søkjer om plass på skulen vår, forventar vi at du:

• Har gitt oss alle naudsynte opplysningar om deg sjølv (for eksempel om du brukar medisinar, har allergiar eller særskilde behov som vi må ta omsyn til).
• Har satt deg inn i desse vilkåra som er nemnde her.
• Er klar over at urett eller manglande informasjon kan føre til at du misser skuleplassen.

Anna som er viktig å vere klar over:

Folkehøgskulen er ein eksamens- og karakterfri skule. Men du må møte opp og vere med på all undervisning, morgonsamlingar, organisert sosialpedagogisk verksemd, prosjekt, studieturar o.l. for ¨få godkjent studieåret. Laurdag er også skuledag i folkehøgskulen. Elevkveldar som arrangeras på fredag/laurdag er obligatoriske.

Elevar som gjennomfører eit folkehøgskuleår på 33 veker får 2 tilleggspoeng under føresetnad av registrert frammøte på minst 90 %. Ved stort fråvær utan gyldig grunn kan du misse plassen på skulen.

Spesielt om rusmiddel:

Dersom du bruker eller oppbevarer narkotika medan du er elev på skulen (gjeld også i ferier), så må du rekne med å misse skuleplassen din.

Ved mistanke om bruk av narkotika på skulen, vil vi kontakte politiet – som normalt sett i gong etterforsking.

Når det gjeld alkohol, så tenk over at folkehøgskuleåret skal være eit alternativt skuleår. Skuleområdet skal være ei rusfri sone. Det er ikkje lov å oppbevare eller nyte alkohol på skulen sitt område.

Spesielt om internatet

• Internatet er heimen din. Du må sjølv vere med å halde det i orden, rydde og vaske både ditt rom og fellesområda.
• Internatet og undervisningsbygga er røykfrie soner. Røyking må berre skje på vist plass.
• Når du kjem til skulen får du tildelt rom. Eventuelt byting av rom skal de ta opp med Internatleiaren.
• Det skal vere ro på internata og skuleområdet mellom kl 23.00 – kl.07.15.
• Av omsyn til hygiene og elevar med allergiske plager er det ikkje tillate å ha kjæledyr på internatet.
• Besøk med overnatting må avtalast med internatleiar.

Les meir om livet på internatet

The post Levereglar appeared first on Møre folkehøgskule.