Klar for å utforske ei verd der kreativiteten din får fritt spelerom? Å gå på animasjonslinja på Møre folkehøgskule er som å tre inn i eit univers der du kan sjå ideane dine bli til liv! Her lærer du korleis du kan lage alt frå enkle korte snuttar til meir avanserte animasjonar, enten du vil teikne for hand, bruke digital teknologi, eller prøve stop-motion.
Du får sjansen til å lage dine eigne prosjekt, jobbe med kule verktøy og apper, og kanskje til og med lage din eigen minifilm! Frå å planlegge scener til å sette saman musikk og lydspor, får du full kreativ kontroll. Det beste? Du får dele dette med andre og kanskje vise fram animasjonen din på festivalar eller konkurransar.
Om du diggar å fortelje historier, eksperimentere med kunst og teknologi, eller drøymer om å jobbe innan film, spill eller media, er animasjonsfaget den perfekte måten å utfordre seg sjølv – og ha det sjukt gøy samtidig!
Animasjon er linja for deg som er nysgjerrig på klassisk animasjon, anime, manga, Japansk kultur og -animasjon og mykje meir. Fantasien har ingen grenser! Du treng ikkje ha forkunnskap om faget. Vi utfordrar kreative sidene dine, og du får realisert dine idear og interesser. Du vil gå ut av skuleåret med din egen portefølgje.
Som elev på Møre har du fri tilgang på arbeidsrom og utstyr både i og utanfor undervisningstida. Linja legg til rette for individuelt arbeid, men tilbyr samarbeid med andre med same interesse gjennom felles prosjekter og gruppearbeid!
Om du er opptatt av berekraft er Møre folkehøgskule rette staden for deg. Her er nokre grunnar:
Derfor, viss du meiner berekraft er viktig for deg kan eit år hos oss vere eit unikt og utviklande steg på vegen for å forstå, påverke og vere med og skape ei meir berekraftig framtid.
I starten av skuleåret får du saman med resten av klassa vere med å avgjere kva for nokre av FN sine berekraftsmål som nettopp «Animasjon // Japan» 2025-2026 skal ha fokus på i sitt folkehøgskuleår!
Fredrikstad, Småturar i nærområde, Hyttetur
Japan, Den norske dokumentarfilmfestivalen
Studieturen for animasjonslinja går til Japan ca 2 veker før påskefrien. Du får oppleve Osaka, Kyoto, Tokyo, Akihabara, tempel og slott. Vi besøker kunst- og mangamuseum, vi går på manga teiknekurs og utforskar japansk mat.
Dessutan brukar vi å besøke Animasjonsfestivalen i Fredrikstad på hausten for å hente inspirasjon og kunnskap!
