Vil du kjenne på energi, fellesskap og meistring – både i naturen og i hallen? Pulse & Power er linja for deg som likar å vere i bevegelse, prøve nye aktivitetar og finne gleda i å trene saman med andre.
Gjennom året får du variert og inspirerande trening: styrke, kondisjon, ballspel, yoga, sirkeltrening og basistrening som gir overskot og god stemning. Vi kombinerer dette med friluftsliv, klatring, kajakk, toppturar og andre utfordringar ute i Sunnmørsnaturen.
Målet er ikkje å bli best, men å kjenne framgang på ditt eige nivå – og oppleve kor gøy det er å vere aktiv saman. Du får tett oppfølging av engasjerte lærarar som ser deg og hjelper deg å utvikle deg, uansett utgangspunkt.
Høgdepunktet er den fire veker lange studieturen til Thailand, der du får ein miks av tropisk friluftsliv, idrett, velvære og fellesskap. Her blir det snorkling, strandvolleyball, yoga, zipline, jungelturar og nye opplevingar kvar dag.
Som elev får du òg vere med på Møreturen, den felles skuleturen i november der heile skulen reiser til varmare strøk for ei veke med sol, aktivitetar og sosialt fellesskap.
Søk no – og få eit år fullt av puls, power og opplevingar for livet.
Hausten brukar vi til å utforske nærområda – naturen er klasserommet vårt. Her blir du betre kjent med både deg sjølv og dei rundt deg. Vi dreg på fjellturar, klatrar i grotter og overnattar på hytter eller under open himmel når vêret er på vår side!
Du får kjenne på meistring gjennom friluftsliv, actionfylte aktivitetar, opplevingar og refleksjon – både du som individ o
g som ein del av eit fantastisk fellesskap.
Klar for PADI-dykkarkurs, skikøyring, klatring, tempelbesøk og yoga og massasjekurs med topp instruktørar? Høyrest ganske bra ut, eller?
Bli med Pulse & Power til sol og varme i Asia!
Neste vinter, når kulda bit og dagane er korte og grå, kan du vere ein heilt annan stad.
Vi reiser på ein 3–4 vekers studietur til Asia – der sol, varme og spanande aktivitetar ventar!
Dette er ikkje berre ei reise – det er ei moglegheit til å utfordre deg sjølv, oppleve noko nytt og skape minner for livet.
Snorkling med havskilpadder – utforsk eit tropisk undervassparadis
Dykking på Ko Tao (Skilpaddeøya) – ta dykkersertifikat eller opplev korallrev og fargerike fiskar
Klatring på Railey Beach – ei av verdas mest kjende klatredestinasjonar
Yoga og trapez – test fleksibiliteten og kjenn adrenalinet pumpe
Asias beste zipline-eventyr på Phuket – svev gjennom jungelen på spektakulære liner
Avslapping ved bassengkanten – nyt varme dagar, fellesskap og ro
Denne studieturen er den perfekte miksen av eventyr, trening og avslapping. Du får oppleve både spektakulær natur og pulserande byliv – samtidig som du utviklar deg fysisk og mentalt.
Vil du sitje fast i vinterkulda – eller bli med oss til tropiske paradis?
