Vi har alle eit ansvar for at våre barn og barnebarn skal få ei god verd å leve i! Berekraft på Møre folkehøgskule handlar om å kombinere kunnskap om korleis livet er i andre land med vår eiga besvisstheit om at vi alle har eit ansvar for å arbeide på fleire plan for å sikre ei berekraftig framtid.
«Vi reiser og vi reiser med meining» er vårt motto. Å skape ei berekraftig framtid handlar om meir enn å redusere CO2 utsleppa. Berekraft handlar også om å skape forståing mellom folk og land. Det gjer vi med å besøke og sjå og til slutt forstå.
Men å halde nede utsleppa er viktig. Difor reiser vi berre på ein lang tur i året. Den turen varer heilt opp til 6 veker og vi er både med og arbeider mellom dei som har minst og treng oss mest samtidig som vi får opplevingar med dykking og surfing samt at vi får lære om dagleglivet på den andre sida av jorda!
I starten av skuleåret skal elevane i kvar klasse velge ut 4 av FN sine berekraftsmål som klassa skal ha fokus på gjennom heile skuleåret. Slik er du med på å arbeide for ei betre framtid både for vår generasjon og dei som kjem etter oss! Og det beste av alt: Dette får vi til samstundes som vi får vere med på opplevingar som gir oss minne og vener for livet!
