Søk her!

RAP // New York

Alt om linja

Finn di eiga stemme – lær å rappe på RAP // NYC!
Vil du bli rappar? Lære å skrive tekstar, lage beats og utvikle flow? På RAP // NYC får du moglegheita til å dykke inn i hip-hop-kulturen – uansett om du er nybegynnar eller har drøymt om å rappe lenge. Alt du treng er interesse og lyst til å prøve!

Linja gir deg kunnskap om tekstskriving, rytme, improvisasjon og innspeling i vårt eige musikkstudio. Du får også lære om freestyle, punchlines og rappen si historie, før vi reiser til sjølve hip-hopens vogge: New York City.

Dialekt? Perfekt! Alle dialektar funkar til rap – finn di eiga stemme og skap noko unikt.

Søknaden opnar 15. oktober – bli med oss inn i hip-hopens verd!

Kven møter du og kva har du i vente?

Kven møter du og kva har du i vente?
Frå «Mellom bakkar og berg» til dagens rap-scene: Ørsta og Volda har ein stolt arv innan språk, musikk og dikting. Her vaks nynorskens far, Ivar Aasen, opp, og her finn du no moderne rap-ikon som Side Brok, Sirkel Sag og louilexus.

På rap-linja vår får du undervisning frå lokale heltar: Runar Gudnason (Side Brok og Sirkel Sag) og Emil Lewe (louilexus). Runar har utvikla linja saman med Emil, som er rap-lærar gjennom heile året. Runar bidrar med workshopar og fagleg påfyll.

Med kompetanse frå to generasjonar rap – frå old school beats til moderne autotune – kan du lage alt frå klassisk skryte-rap til melodiøs og nyskapande hip-hop. Vi omfamnar heile sjangeren, frå frekke punchlines til poetiske rim. Fokuset er alltid på god musikk og sterke tekstar – uansett stil.

Vil du bli med på ei reise inn i rapens mangfaldige verd? Her får du alt du treng for å finne di eiga stemme!

 

Vi reiser og vi reiser med meining. Kvifor er berekraft viktig?

Berekraft på Møre Folkehøgskule – eit år for framtida!
Er du opptatt av berekraft og miljø? På Møre Folkehøgskule kan du fordjupe deg i desse viktige temaa, samtidig som du utviklar deg som person og blir del av eit unikt fellesskap. Her er nokre grunnar til at vi er det perfekte valet:

  • Fordjupning i berekraft: Vel ei linje med fokus på miljø og berekraft, eller ei der berekraft er ein integrert del av aktivitetane. Utforsk emne som miljøvern, resirkulering, og sosial berekraft i teori og praksis.
  • Praktisk erfaring: Lær gjennom ekskursjonar og frivillig arbeid både i Norge og internasjonalt. Opplev korleis berekraftige tiltak gjer ein forskjell!
  • Fellesskap: Møt elevar frå ulike bakgrunnar som deler din interesse for berekraft. Dette inspirerande miljøet gjer samarbeid og ideutveksling enkelt.
  • Personleg vekst: Utvikle ferdigheiter som samarbeid, kritisk tenking og kommunikasjon – uvurderlege eigenskapar for å påverke berekraftig endring.
  • Inspirasjon for framtida: Kombiner berekraft med andre interesser og definer kva du vil satse på i vidare utdanning og karriere.

Eit år på Møre Folkehøgskule er ikkje berre eit skuleår – det er eit steg mot å skape ei meir berekraftig verd. Vil du vere med å gjere ein forskjell? Søk i dag!

{{ slide.caption }}

New York (og noko som er litt nærare...)

Studieturen går til New York! Der møter vi dagens RAP-artistar og vi får ein unik kjennskap til bakgrunn, kultur og kvifor vi er der vi er i dag. Kanskje får vi også eit lite gløtt inn i det som er framtida for RAP-kulturen? I tillegg får du lære om utfordringane samfunnet i USA har i dag og vi får samanlikne det med korleis vi har det her heime.

I tillegg til New York turen reiser vi og besøkjer musikk- og RAP-miljøa i nærområdet til skulen. På same tid som det tek å gå ned til Ørsta rådhus (ein time) finns det eit levande og utfordrande musikkmiljø som du blir godt kjend med i løpet av året. Vi reiser også på konsertar kring om i landet når det blir arrangert noko vi vil ha med oss!

Vi ligg berre 10 minutt unna Rokken (studentscena i Volda) der det stadig er store namn som står på plakaten. Dessutan har vi vår eigen konsert på Stødt Scene i Ørsta på slutten av skuleåret! Det blir garantert ei oppleving både for elevar og publikum!